Irakasle funtzioan ikasitakoa

Irakasle funtzio ikasgai honetan hainbat gauza berri ikasten joan nahiz irakaskuntzari buruz lauhileko honetan. Kontzeptu edo atal hauek honakoak dira.


Ikasi dudan gauzarik garrantzitsuena, eta aldi berean zailena, taldean lan egitea izan da. Taldeak kurtso hasieran egin genituen eta denbora guzti honetan zehar elkarlanean egon gara. Esan dudan bezala, gauzarik zailena izan da, taldeko kideak toki ezberdinetan bizi garelako, eta ez dugulako asteburuetan batera lan egiteko aukerarik izan eta lanak modu egokiagoan antolatzeko betarik izan. Lan egiterako orduan, batzuetan kostatu izan zaigu denok batera elkartzen, eskolaz kanpo bakoitzak baditugulako beste egin behar batzuk baita ere, baina nahiko ondo moldatu izan gara denboraldi honetan eta talde lanean etorkizunean hobeto aritzeko balio izan didala uste dut.


Ikasi dudan beste gauza bat gurasoekin bilera bat antolatzea izan da. Nire eta nire taldearen kasuan bakarkako bilera antolatzea egokitu izan zaigu, eta modu onean lan egin dugula uste dut. Hau egiteko, lehenbizi ikasle baten kasu bat prestatu dugu, eta berari buruzko informe bat egin dugu. Gero bilera bideo baten grabatu behar genuenez, honen gidoia prestatu dugu eta txostena baliatuz eta beste talde baten laguntzaz bideoa grabatu dugu. Azkenik autoebaluazio bat egin dugu. Ariketa hau baliagarria iruditu zait etorkizunerako, baina denbora falta izan zaigula uste dut lan hobea egiteko.


Horrez gain, autoritateari buruz ere hainbat kontzptu ikasi ditut. Hezkuntzan emateaz gain, gizartean betetzen dituen funtzioak ikasi dutut, autoritate mota ezberdinak zein diren ikasi dut, generoan duen garrantzia ikasi dut eta historian zehar izan duen garapena zein den jakin dut. Horretarako, taldean batu gara eta gai honi buruzko informazioa bilatzen hasi gara. Blogean honi buruzko sarrera bat egin behar izan dugu eta ondoren, honen aurkezpen bat prestatu talde txikitan azaltzeko. Taldean batu izan ditugu eginbeharrak eta azkenik denon artean batu eta guztion informazioa elkartu dugu azkenean aurkeztutako aurkezpena prestatzeko. Ariketa hau baliagarria izan zait, honi buruz eta beste hainbat azalpenetako gaiei buruz eginiko aurkezpenez datu baliagarri batzuk ikasi ditudalako.


Aurrekoetaz aparte, azalpenak emateko gaitasuna lortzen pixkanaka ikasten nabil. Atal hau garrantzitsua iruditzen zait, azken finean atal praktikoa baita eta irakasle batek egunero egin beharrekoa, bere helburua azlapen bai teoriko edo bai praktikoen bidez ikasleei kontzeptu ezberdinak irakastea baita. Hau ikasten joateko azalpenak egiteko hainbat ariketa egin ditut. Ariketa hauek talde txikietan izan dira, eta zer moduz aritu naizen jakiteko, entzuleei galdetu diet nota bat jartzeko, hurrengorako zer hobetu behar dudan jakiteko, eta aholkuren bat baldin badute, esateko.



Hau guztia esan eta gero, uste dut azaldu dudala nire ustez ikasgai honetan lauhileko honetan zer izan den ikasi dudana eta nola ikasi dudan. Nire oroimena erabilita behintzat hau izan da, eta horrelako arrazoimena erabili dut, azken finean gogoratzen ez ditudan ariketak ez didatelako balioko uste dut nire etorkizuenan, eta aipatu dudana garrantzitsua izan daiteke lanbide honen oinarriaren bat pixkanaka barneratzen hasteko.